Editorial Gujarat

સુરતમાં લૂંટના બહાને થયેલ ચકચારી મહિલા હત્યા કેસમાં થયો ચોંકાવનારો ખુલાસો, જાણો કોણે કરી હતી હત્યા ?

મો.ન્યુ.ફો.નેટવર્ક  : ગુરુવારે સુરત કતારગામ રણછોડનગરમાં લૂંટના ઇરાદે એક મહિલાની હત્યા કરવામાં આવી હોવાના સમાચારો એ ભારે ચકચાર મચાવી હતી. આ ઘટનામાં એવી માહિતી સામે આવી હતી કે કોઈ અજાણ્યા શખ્સોએ મહિલાના ઘરમાં ઘૂસીને તેનું ગળું દબાવી દીધું હતું. મહિલાના મોત બાદ તેની બે વર્ષની દીકરીએ માતાની મમતા ગુમાવી દીધી હતી. આ કેસમાં પોલીસ ને ઘરનાં સભ્યોની ભુમિકા શંકાસ્પદ લાગતા ઘરકંકાસના પાસાને ધ્યાનમાં રાખીને તે દિશામાં તપાસ હાથ ધરી હતી.

જો કે આ હત્યામાં મોટો ખુલાસો થયો છે. આ ઘટનામાં મહિલાની હત્યામાં તેનો પતિ જ હત્યારો હોવાનો ખુલાસો થયો છે. ક્રાઇમ બ્રાંચની પૂછપરછ દરમિયાન પતિના પિતરાઇએ પોતાનો ગૂનો કબૂલ કરી લીધો છે. જોકે, મહિલાનો પતિ મનોજ ચોટલિયા હજી હત્યા કર્યાનો ઇન્કાર કરી રહ્યો છે.

આ ઘટનામાં મળતી માહિતી પ્રમાણે, 28 વર્ષીય મહિલાની પતિએ જ તેના પિતરાઇ સાથે મળીને બાળકીની હાજરીમાં તેની માતાની હત્યા કરી નાખી હતી. આ ઘટનામાં અનૈતિક સંબંધને લઈને રિયા અને મનોજ (પતિ-પત્ની) વચ્ચે ઝઘડો ચાલી રહ્યો હતો. મનોજ બપોરે જમવા આવ્યો ત્યારે તેને પોતાની પત્નીની હત્યા કરી હતી. બાદમાં તે ઘરેથી નાસી છૂટ્યો હતો. મનોજે તેની પત્ની રિયાને ગળેફાંસો આપ્યો હતો જ્યારે તેના પિતરાઇએ તેનું મોઢું પકડી રાખ્યું હતું.