Editorial Gujarat Lifestyle National Personality Politics Trending

વિશેષ અહેવાલ : ભૈય્યુજી મહારાજના અંતિમ સંસ્કારમાં શા મોટે મોટા નેતાઓ ના ફરકયા ? જાણો કારણ

મો.ન્યુ.ફો.નેટવર્ક : ભૈય્યુજી મહારાજના બુધવારે ઈન્દોરમા અંતિમ સંસ્કાર કરવામાં આવ્યાં હતાં. તેની મોટી દીકરી કુહૂએ તેમને મુખાગ્નિ આપી હતી. જોકે, ભૈય્યુજીના અંતિમ સંસ્કારમાં મધ્યપ્રદેશના કોઈ મોટા નેતા જોવા મળ્યા નહોતાં. ભૈય્યુજીના અંતિમ સંસ્કારમાં મહારાષ્ટ્રમાંથી મોટી સંખ્યામાં લોકો એકઠાં થયાં હતાં. મુખ્યમંત્રી દેવેન્દ્ર ફડણવીસે પોતાના ઓએસડીને મોકલ્યાં હતાં તો શિવસેનાના એક સાંસદ અને એમએલએ પણ અંતિમ સંસ્કારમાં હાજર રહ્યાં હતાં. જ્યારે મધ્યપ્રદેશના મુખ્યમંત્રી શિવરાજ સિંહ ચૌહાણ અને ઈન્દોરના મોટા નેતા કૈલાશ વિજયવર્ગીય અંતિમ સંસ્કારમાં ગેરહાજર રહ્યાં હતાં.

એવો દાવો કરવામાં આવે છે કે ભૈય્યુજી વડાપ્રધાન નરેન્દ્ર મોદીના પણ નજીકના ગણાતાં હતાં. જોકે, અંતિમ સંસ્કારમાં પીએમ પણ ગેરહાજર હતાં. પોલીસ આ આત્મહત્યાને ભૈય્યુજી મહારાજનો પારિવારીક મામલા પૂરતી જ સીમિત રાખવા ઈચ્છે છે. આ જ કારણે તેમની કોલ ડીટેઈલ અને અન્ય મુદ્દાઓ પર વાત નથી કરી રહી.

પોલીસ એ પણ નથી જણાવી રહી કે આખરે એવું કયું કારણ હતું કે પુણે જઈ રહેલા ભૈય્યુજી મહારાજ વચ્ચેથી જ શા માટે પરત ફર્યાં હતાં? પરત ફરતાં તે એક રેસ્ટોરન્ટમાં કઈ મહિલાને મળ્યા હતાં? આશરે એક કલાક સુધી તેઓ સાથે રહ્યાં હતાં. પોલીસ એ પણ નથી જણાવી રહી કે આલીશાન ઘર અને આશ્રમ હોવા છતાં શા માટે તેઓ મહિલાને રેસ્ટોરન્ટમાં મળ્યાં. રેસ્ટોરન્ટના સીસીટીવી ફૂટેજમાં પણ તે મહિલાની કારનો નંબર સ્પષ્ટ દેખાઈ રહ્યો છે.

મળતી પોલીસ માહીતી મુજબ ભૈય્યુજી મહારાજના મોબાઈલની પ્રાથમિક તપાસ દરમિયાન જે તથ્ય સામે આવ્યાં છે. તે તેમની ઈમેજને અનુરુપ નથી. આ જ કારણોસર પોલીસ અધિકારીઓ, મુખ્યમંત્રીઓ અને વરિષ્ઠ નેતાઓને અંતિમ સંસ્કારમાં ન આવવાની સલાહ આપવામાં આવી હતી.

Featured