Gujarat National Politics

લોકસભાની ચૂંટણીમાં PM મોદીનો આ રેકર્ડ કદાચ ભાજ્પ-કૉંગ્રેસના કોઈ નેતા નહીં તોડી શકે

મોર્નિંગ ન્યુઝ ફોક્સ નેટવર્ક : વડાપ્રધાન નરેન્દ્ર મોદી ની કાર્યક્ષમતા સામે ભાજપ કોંગ્રેસના તમામ નેતાઓ ફિક્કા પડી જાય છે એમાંય ખાસ કરીને ચૂંટણીના સમયમાં વડાપ્રધાન મોદી દરરોજ 2 થી3 રેલીઓ કરી રહ્યા છે. એટલું જ નહીં 25 ડિસેમ્બર પછી 125 દિવસમાં તેમણે કુલ 27 રાજ્ય અને કેન્દ્ર શાસિત પ્રદેશમાં 200 કાર્યક્રમો કર્યા છે. વડા પ્રધાન મોદી સત્તાવાર વેબસાઈટમાંથી મળેલી જાણકારી અનુસાર આ કાર્યક્રમોમાં મોટા ભાગના કાર્યક્રમ ચૂંટણીલક્ષી હતા. નરેન્દ્ર મોદીની વેબાસાઈટ narendramodi.in ના રિપોર્ટ અનુસાર વડા પ્રધાને એકલા દિલ્હીમાં જ 30 કાર્યક્રમોમાં ખાસ હાજરી આપી હતી.

આ વર્ષની શરુઆતથી લઈને અત્યાર સુધીની 14 બેઠક મોદીએ યોજી હતી. આ આંકડો સમગ્ર કહાની કહે છે. જે પીએમના કામ કરવાની ક્ષમતા દર્શાવે છે અને મલ્ટિ ટાસ્કિંગ વર્કથી વાકેફ કરાવે છે. પીએમ મોદીના વ્યસ્ત કાર્યક્રમનો અંદાજો તેમની જમ્મુ કાશ્મીર મુલાકાત પરથી જ લઈ શકાય છે. ફેબ્રુઆરીમાં મોદી જમ્મુ-કાશ્મીરની મુલાકાતે ગયા હતા. જ્યાં તેમણે એક જ દિવસમાં ત્રણ જુદા જુદા સ્થળની મુલાકાત લીધી હતી. જેમાં લદ્દાખ, જમ્મુ અને કાશ્મીરનો સમાવેશ થાય છે.

જાન્યુઆરી 2019 બાદ વડા પ્રધાન મોદીએ આસામ, અરુણાચલ પ્રદેશ અને ત્રિપુરાની મુલાકાત લીધી હતી. આ કાર્યક્રમ ચૂંટણીપંચે જાહેર કરેલી આચારસંહિતા પહેલા નક્કી હતા. આ દરમિયાન આંતરમાળખાકીય પ્રોજેક્ટ અને ઊર્જા તથા કૃષિ જેવા ક્ષેત્ર પર ફોક્સ રહ્યું હતું. 1 ફેબ્રુઆરીના રોજ NDAએ સરકારે બે મહત્ત્વની યોજના પ્રધાનમંત્રી કિસાન સન્માન અને પ્રધાનમંત્રી શ્રમ યોગી માનધન યોજનાની જાહેરાત કરી હતી. 24 ફેબ્રુઆરીના રોજ પીએમએ ગોરખપુર જઈને પીએમ કિસાન સન્માન જ્યારે 5 માર્ચના રોજ અમદાવાદ જઈને શ્રમયોગી માનધન યોજનાનું લોકોર્પણ કર્યું હતું.

આ જ સમયગાળા દરમિયાન મોદીએ પ્રયાગરાજ જઈને પવિત્ર ગંગા નદીમાં ડૂબકી લગાવી હતી. આ ઉપરાંત ત્યાં ગંગાઆરતી પણ કરી હતી. વેબસાઈટ અનુસાર છેલ્લા કેટલાક વર્ષોમાં કુંભમેળા હાજરી આપનારા નરેન્દ્ર મોદી પ્રથમ વડા પ્રધાન છે. છેલ્લા 150 દિવસમાં મોદી પાંચ વખત પોતાના મતવિસ્તાર વારાણસીની મુલાકાતે ગયા હતા. આ સિવાય 4 માર્ચના રોજ અમેઠી ગયા હતા અને એકે 203 ગન બનાવવા માટે રાયફલનું ઉદ્ઘાટન કર્યું હતું.