પરફેક્શન માટે ચિરંજીવીનું ડેડીકેશન: વીડિયો જોઈને લોકો રહી ગયા દંગ
Mnf network: સાઉથ સિનેમાના સુપરસ્ટાર ચિરંજીવીનો એક વીડિયો સોશિયલ મીડિયા પર વાયરલ થઈ રહ્યો છે. વીડિયોમાં તે વર્કઆઉટ કરતા જોવા મળી રહ્યા છે. તે તેની આગામી ફિલ્મમાં પરફેક્ટ દેખાવા માંગે છે, તે માટે તે તૈયારી કરી રહ્યા છે.
મેગાસ્ટાર ચિરંજીવીએ પોતાની 46 વર્ષની કારકિર્દીમાં ઘણી શાનદાર ફિલ્મો આપી છે અને દર્શકોનું ભરપૂર મનોરંજન કર્યું છે.
હવે તે પોતાની નવી ફિલ્મ 'વિશ્વંભરા'ની તૈયારીમાં વ્યસ્ત છે. આ ફિલ્મ આવતા વર્ષે રિલીઝ થશે. આ ફિલ્મની તૈયારી કરી રહેલા ચિરંજીવી હવે જીમમાં પરસેવો પાડતા જોવા મળે છે.
ચિરંજીવી વર્કઆઉટ કરતા જોવા મળે છે. તેમની ઉંમર 68 વર્ષની છે, પરંતુ આ ઉંમરે પણ તે જે તૈયારીઓ કરતા જોવા મળે છે તે સોશિયલ મીડિયા યુઝર્સને ચોંકાવી દે છે. તેના આ વીડિયો પર લોકોની અલગ-અલગ પ્રતિક્રિયાઓ જોવા મળી રહી છે.
રિપોર્ટ અનુસાર, ફિલ્મ 'વિશ્વંભરા' એક મોટા બજેટની ફિલ્મ બનવા જઈ રહી છે. કહેવામાં આવી રહ્યું છે કે તેના નિર્માણમાં 150 કરોડથી 200 કરોડ રૂપિયાનો ખર્ચ થયો છે. એવું કહેવામાં આવી રહ્યું છે કે ચિરંજીવી દોરાબાબુ નામના પાત્રમાં જોવા મળશે. જોકે, હાલમાં જ ચિરંજીવીને દેશનો પ્રતિષ્ઠિત એવોર્ડ પદ્મ વિભૂષણ મળ્યો છે. આ કારણે પણ તે છેલ્લા કેટલાક દિવસોથી સમાચારમાં છે.
