શું બાળકોને ઘરે એકલા છોડીને જવું પડે છે? તેમને સુરક્ષિત રાખવા માટે શીખવો આ બાબતો

Mnf network : માંતા-પિતા એ સુનિશ્ચિત કરવાનો પ્રયાસ કરે છે કે તેમનું બાળક હંમેશા તેમની નજર સામે રહે જેથી તેને કોઈપણ પ્રકારની સમસ્યાનો સામનો ન કરવો પડે. એવા ઘણા કપલ છે જેમાં બંને પાર્ટનર નોકરી કરતા હોય છે, જેના કારણે તેમને કામ માટે ઘરની બહાર જવું પડે છે અને બાળકોને ઘરે એકલા છોડીને જવું પડે છે. જો કોઈ કામ ન કરતું હોય તો પણ ક્યારેક એવી સ્થિતિ સર્જાય છે કે બાળકને ઘરે મૂકીને બહાર જવું પડે છે. આ માટે તમારે સાવધાન રહેવું પડશે પરંતુ સાથે સાથે બાળકોને પણ સમજદાર બનાવવાની જરૂર છે. આ માટે બાળકોને કેટલીક બાબતો શીખવવાની જરૂર છે જેથી તેઓ ઘરમાં એકલા રહીને પણ સુરક્ષિત રહી શકે. જો તમે તમારા બાળકને ઘરે એકલા છોડી રહ્યા છો, તો તેને આ મહત્ત્વપૂર્ણ બાબતો સમજાવો.

તમારે બાળકને નજીકમાં રહેતા તમામ સંબંધીઓના નંબર આપવા જોઈએ અને તેમને કેટલાક ઈમરજન્સી નંબરો જેમ કે પોલીસ નંબર વગેરે પણ આપો. આ સાથે તમારા પાડોશીને પણ જણાવો (જો પાડોશી ભરોસાપાત્ર હોય તો) કે તમારું બાળક ઘરમાં એકલું છે અને સમયાંતરે બાળકની સંભાળ રાખવાનું કહો.

ઘરની બહાર નીકળતી વખતે તમારા બાળકને મોબાઈલ ફોન અવશ્ય આપો. જેથી તમે સમયાંતરે તેની સાથે વાત કરતા રહી શકો અને તેના વિશે માહિતી મેળવી શકો અને બાળક પરેશાન ન થાય અને તમારે પણ કોઈ બાબતની ચિંતા ન કરવી પડે.

તેણે રસોડામાં એકલા કંઈપણ બનાવવાનો પ્રયાસ ન કરવો જોઈએ. અને તમારે ગેસ સિલિન્ડરની નોબ બંધ કરીને જ બહાર જવું જોઈએ અને છરી જેવી વસ્તુઓ પણ બહાર ન મુકવી જોઈએ. કારણ કે ઘણીવાર બાળકો એકલા હોય ત્યારે આ વસ્તુઓને રમકડા સમજીને રમવાનું શરૂ કરે છે. ગેસ સ્ટવ પર એવી કોઈ પણ વસ્તુ ન રાખો કે જેને તમારું બાળક અડકે અને પોતાના પર ઢોળી શકે. જો તમે રસોડામાં ગરમ દૂધ અથવા શાકભાજીની તપેલી અથવા તેલનું વાસણ રાખો છો, તો તેને બાળકથી દૂર રાખો અને તેને એવી જગ્યાએ રાખો જ્યાં તમારા બાળકનો હાથ ન પહોંચી શકે.

બાળકોને ઘરે એકલા મુકતા પહેલા તેમને એ વાત સમજાવવી જોઈએ કે તેઓ ઘરમાં એકલા હોય ત્યારે અજાણ્યા લોકો સાથે કોઈપણ રીતે વાત ન કરવી જોઈએ. અજાણ્યા વ્યક્તિ સાથે મુલાકાત બાળક માટે મુશ્કેલી ઊભી કરી શકે છે. બાળકોને શીખવો કે જો કોઈ ઘરમાં આવે તો તેણે પહેલા તમારો સંપર્ક કરવો જોઈએ.

સૌ પ્રથમ, તમારા બાળકને ઘરે એકલા છોડતી વખતે, તમારેબાળકને સારી રીતે સમજાવવું જોઈએ કે તેણે અંદરનો દરવાજો બરાબર બંધ રાખવો જોઈએ અને કોઈ અજાણી વ્યક્તિ માટે દરવાજો ખોલવો જોઈએ નહીં. આ સિવાય બાળકને સમજાવો કે જો કોઈ ડોરબેલ વગાડે છે, તો તેણે બારી કે દરવાજામાંથી જોવું જોઈએ કે દરવાજા પર કોણ છે. જો કોઈને કોઈ માહિતી હોય તો તાત્કાલિક વાલીઓને ફોન કરીને જાણ કરવી.