શેરબજારમાં પૈસા રોકનારાઓએ સાવધાન રહેવું! સેબી નવા નિયમો લાવી છે
Mng network :શેર રોકાણ કરનારા રોકાણકારોના હિતોની સેબી દ્વારા કાળજી લેવામાં આવે છે. હવે નવા નિયમો લાવવામાં આવ્યા છે, જે રોકાણકારોએ પણ ધ્યાનમાં રાખવા જોઈએ. આ અંગે સેબી દ્વારા નોટિફિકેશન પણ બહાર પાડવામાં આવ્યું છે.
માર્કેટ રેગ્યુલેટર સેબીએ બાકી નોન-કન્વર્ટિબલ ડેટ સિક્યોરિટીઝ (NCD) ધરાવતી લિસ્ટેડ કંપનીઓ માટે આવી સિક્યોરિટીઝની વધુ ઇશ્યુ કરવા માટે તેમને સ્ટોક એક્સચેન્જમાં સૂચિબદ્ધ કરવાનું ફરજિયાત બનાવ્યું છે.
સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (સેબી) એ ગુરુવારે તેની વેબસાઈટ પર પોસ્ટ કરેલી સૂચનામાં જણાવ્યું હતું કે આ ફેરફાર 1 જાન્યુઆરી, 2024થી અમલમાં આવશે.
આ પગલાનો હેતુ નોન-કન્વર્ટિબલ ડેટ સિક્યોરિટીઝ (NCD)ના ભાવમાં પારદર્શિતા લાવવાનો છે. આનાથી રોકાણકારો અને બજાર ડેટ સિક્યોરિટીઝ વિશે વધુ સારી માહિતી મેળવી શકશે. સેબીએ તેના નોટિફિકેશનમાં જણાવ્યું હતું કે અમુક પ્રકારની સિક્યોરિટીઝને આ જોગવાઈમાંથી મુક્તિ આપવામાં આવી છે. તેમાં આવકવેરા અધિનિયમ, 1961ની કલમ 54EC હેઠળ જારી કરાયેલ કેપિટલ ગેઇન્સ ટેક્સ ડેટ સિક્યોરિટીઝ, પાકતી મુદત સુધી રાખવામાં આવેલી NCDs અને કોઈપણ નિયમનકાર, ટ્રિબ્યુનલ અથવા કોર્ટના આદેશ પર જારી કરાયેલ NCDsનો સમાવેશ થાય છે.
લિસ્ટેડ કંપનીઓ દ્વારા જારી કરવામાં આવેલી સિક્યોરિટી મેચ્યોરિટી પીરિયડ સુધી રાખવામાં આવશે અને તે પછી જ તેને રોકડ કરી શકાશે.
