'આંખ મિચોલી'નું શુટીંગ દ્વારકા અને જુનાગઢમાં પણ કરવામાં આવ્યું
આગામી સોમવારથી સ્ટાર પ્લસ પર નવો શો 'આંખ મિચોલી' શરૂ થવાનો છે. શશી સુમિત પ્રોડકશન્સ દ્વારા નિર્મિત આ શો ગુજરાતની પૃષ્ઠભુમિ પર આધારીત છે. ખુશી દુબે અન્ડરકવર કોપ છે. જે આઇપીએસ બનવાની ઇચ્છા ધરાવે છે. આ શોમાં સાસ વહુની ટ્વિસ્ટેડ વાર્તા છે. નવનીત મલિકે આ શોના મહત્વની સિકવન્સના શુટીંગ માટે ગુજરાતના દ્વારકા અને જુનાગઢની મુલાકાત લીધી હતી.
આ બંને શહેરમાં મહત્વના દ્રશ્યોનું શુટીંગ થયું છે. ખુશી દુબે સાથે નવનીત મલિક આ શોમાં મુખ્ય ભુમિકામાં છે. તે સુમેધ નામની ભુમિકા નિભાવી રહ્યો છે. નવનીત કહે છે દ્વારકા અને જુનાગઢમાં શુટીંગ કરવાનો અનુભવ ખુબ જ રોમાંચક હતો. અમે આ શહેરોની ગલીઓમાં શુટીંગ કર્યુ છે.
